حبيبى الرئيس.. كل عام وحضرتك بخير.. كل عام واحنا معاك ف خير وسعادة.. كل عام واحنا معاك احسن ناس واحسن شعب ف الكون.. كل لحظة  نتمنى ان ربنا يكون معاك ويقويك ويوفق.. عيد ميلاد سعيد.. 

حضرتك دايما تقول لينا باستمرار وباصرار على النجاح والتقدم من اجلنا (مصر ام الدنيا وح تبقى أد الدنيا.. اشتغلوا وانا معاكوا..انا ح افضل ابنى واعمر.. اشتغلوا علشان احنا م عندناش وقت ولازم نحصل العالم كله) شكرا عزيز مصر على جمل وعبارات وجدت طريقها للواقع وحولت مصر الى كوكب متفرد اسمه كوكب مصر.. شكرا يا افندم.. كل عام وحضرتك بخير وصحة وسعادة.. كل عام وحضرتك معانا.. كل عام ونحن معك فى افضل حال..

كل الدول اللى حوالينا راحوا وم رجعوش تانى او مش عارفين يرجعوا زى م كانوا.. الا مصر رجعت تانى معاك ورجعت لفوق ولفوق وبقيت احسن مكان ف الكون.. وحضرتكم يا عزيز مصر.. عدتم بنا للاقوى والأفضل..

فى وجودكم عادت السياحة لوجود الأمان.. عاد الاستثمار لوجود الأمان.. عاد الاقتصاد لوجود دولة وقيادة مهتمه بشعبها ووجود قوة تحميه وتدعمه.. واثبتم للعالم اننا بلد يحب ويصنع السلام..
فى وجودكم عايشين فى نعمة الأمان.. مفيش امان الا ف مصر.. جيش وشرطة يحموا حدود وبحار وثروات.. حتى فى اهتمامكم بالمصريين فى الخارج بتقول لينا ( مش ح نسيب ولادنا ولا ننساهم )  ووفيتم بالعهد ووامثال الوقت الحالى  انقاذ المختطفين فى مالى..

فى وجودكم زعماء العالم جايين مصر وبيتحركوا وسط الشعب عادى وبدون حراسة وبدون اى تعقيدات امنية لان مصر هى امان وستظل أمان..

فى وجودكم الشعب دايما ايد واحدة لان حضرتك موصينا خليكم ايد واحدة يا مصريين..
فى وجودكم مفيش دولة مستقرة فى الشرق الأوسط الا مصر.. مصر الامان والاستقرار والتعمير المستمر.. فى وجودكم مفيش دولة قوية وليها كلمة فى الشرق الأوسط  غير مصر ام الدنيا.. هى مصر وبس..

فى وجودكم مفيش جيش قوى موحد بالشرق الأوسط سوى جبش مصر  القوية.. حماه الله.. فى وجودكم الامان داخلى فى مصر وبس لدرجة استضافة  لاجىء دول الجوار  ضيوفا عندنا لحين استقرار بلادهم.. تحيا مصر.. شكرا عزيز مصر.. ربنا يحميك ويقويك..