لم تتمالك الفنانة زينة دموعها خلال حديثها عن شقيقها الراحل، ووصفت وجعها بـ«السكينة التي دخلت قلبها ولم تخرج» -على حد قولها-.
وأضافت، خلال لقائها في بودكاست «قصتي» مع محمد قيس: «أنا مش عارفة أتكلم حاسة أن في سكينة دخلت في قلبي واتسابت مخرجتش موجودة وبتوجع أوي، كنت فاكرة إن العادي إخواتي موجودين وخصوصًا إن هو كان أطيب واحد فينا، إحنا إخوات مترابطين أوي وفجأة كده اتخطف مننا، العادي الواحد بيتوقع إن الكبير وأنا الأكبر مش الصغير اللي بيروح أنا قعدت كتير مش مصدقة بس دا واقع خلاص مفيش حاجة في إيدي أعملها غير إني أقول الحمد لله وهو سبقنا بس برضو تعبانة».
وأكملت: «المرة دي الضربة كانت جامدة بكل اللي شفته في حياتي حاسة إني كنت في هزار مفيش حاجة وجعت زي اللي حصل».
واختتمت زينة حديثها: «كنت زمان لما بشوف حد أخوه أو أخته مش موجودين كنت بقول هو عايش إزاي، فهمت دلوقتي هو عايش إزاي يارب محدش يشوف اللي أنا شفته».
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" النبأ "
