مصر هى ام الدنيا وبقيت أد الدنيا والعالم كله بييجى لغاية عندها.. يلجأ إلينا.. يطلب مشورتنا.. يطلب دعمنا وتدخلنا.. العالم اصبح حريص جدا ان يكون فى علاقته متزنة وقوية مع مصر.. هناك إيجابيات حدثت فى مصر.. فيه نجاحات حدثت فى مصر.. فيه شغل كتير بيحصل فى مصر.. فيه تطور يحدث فى مصر.. قد تكون هناك آراء مخالفة.. لكن إجمالا مصر نجحت والحمد لله.. عزيز مصر دايما بيقول ( انا ح افضل ابنى واعمر ).. دايما بيقول ( اشتغلوا وانا معاكوا ).. دايما بيقول ( خليكوا إيد واحدة يا مصريين ).. والجملة الروعه ( لا يليق بنا أن نقلق ).. مصر نجحت..وليس كل النجاح يتضح أثره ع الفور أو فى الحال لان مع الوقت يتضح أثر كل نجاح وانجاز.. لكن الكثيرين وقت الازمات يكتشفوا هذا النجاح والكثير يقول جمل إيجابيه بالعامية تحمل إعجاب القلوب  .. وهناك الكثير من المدح ف العامية لكن ليس كل ما يتم قوله نكتبه.. ح تقولى نجحنا إزاى..!! اقولك تعال نتكلم عن بعض النجاحات..

١- حدثت حرب غزة وحدث كلام ورغى كتير إننا نقبل بترحيل اهالى غزة ف سينا.. قلنا لا يستمروا ف غزة وانتصر الرأى المصرى والارادة المصرية.. بلدنا غالية علينا وعندنا جيشنا الوطنى المخلص.. اللى الكل بيخاف يحتك بيه والكل خايف يقرب ناحية مصر لأنهم مش ح يقدروا عليها.. قامت بعد كدا حرب إيران واشتغلوا بالصواريخ على بعض.. وبينما الشعب المصرى يحتفل بشهر رمضان ويصلى التراويح ويحتفل بالأعياد وشغالين احنا احتفالات -:بينما من حولنا يبيتون فى مخابىء وخايفين يسمعوا صوت بالونه بتفرقع.. أليس هذا نجاح ؟ أليس ذلك تأكيد لجملة عزيز مصر ( لا يليق بنا ان نقلق ) ؟ أليس هذا نجاح لجيش مكون من أبناء مصر وبس ؟ مصر نجحت فى حماية نفسها بنفسها دون الاحتياج لأحد.. النجاح فى مصر وبس..  مصر نجحت بأولادها وعلشان أولادها..

٢- النجاح فى مصر له شكل تانى.. لما تصدر منتجات غذائية وزراعية بأكثر من ٩ مليار دولار.. أليس هذا نجاح ؟ هذا العام تم توريد اكثر من ٤ونص مليون طن قمح للصوامع الحكومية بخلاف القمح اللى ف بيوت الفلاحين.. أليس هذا نجاح ؟ طب فاكرين كيلو السكر لما وصل قرابة ال ٥٠ج كان بكام ودلوقت بكام..أليس هذا نجاح ؟ زراعات توشكى والعوينات والفرافرة والدلتا الجديدة ومزروعه بمياه النيل.. أليس هذا نجاح ؟

٣- النجاح فى مصر له شكل تانى.. فى التعليم تم النزول بكثافة الفصول من ٦٣ طالب بالفصل الى ٤٢ طالب بالفصل.. تم سد عجز المعلمين.. إجراء مسابقات لتعيين معلمين وقد تكون الدفعة الخامسة - دفعة الشاطرين - هى دفعة ٣ يوليو ٢٠٢٦ - أضف لذلك تدريبات المعلمين وحوافز المعلمين اللى ميزتهم عن باقى موظفى الدولة.. أليس هذا نجاح ؟

٤- النجاح فى مصر.. الاحتياطى النقدى كان فين ودلوقت فين.. أليس هذا نجاح؟ التجارة الخارجية كانت فين ودلوقت وصلت لفين.. أليس هذا نجاح؟ تحويلات العاملين بالخارج.. كانت فين ودلوقت وصلت ايه.. أليس هذا نجاح ؟

٥- النجاح فى مصر.. السياحة كانت فين ودلوقت وصلت فين.. السياحة رجعت تفتح بيوت من تانى وتخلق فرص عمل من تانى.. أليس هذا نجاح ؟ السياحة رجعت مصدر عملات من تانى.. أليس هذا نجاح ؟ العالم حوالينا مليان حروب وصراعات واحنا بلدنا فيها أمان للسياح.. اليس هذا نجاح ؟

٦- النجاح فى مصر.. مصر العقل المتزن الحكيم الذى يدير كثير من ملفات المنطقة وتحظى بثقة العالم وكمان المسؤول الأول بمنظمة اليونسكو مصرى.. أليس هذا نجاح ؟

٧- النجاح فى مصر.. صعدنا لكأس العالم مرتين ف ٨ سنين.. وقبل كدا ده حصل مرتين ف  ٨٨ سنة مضت.. أليس هذا نجاح ؟ واول مباراة اتعادلنا مع بلجيكا القوية.. ومنتخبات زاد توهجها مثل منتخبات اليد.. ورياضة استقر التميز فيها مثل الاسكواش.. والعاب فردية اخرى تتميز وتنجح باستمرار.. أليس هذا نجاح ؟

٨- النجاح فى مصر.. المواصلات أخبارها ايه.. مونوريل وقطار كهربى وتوسعات منرو الإنفاق وتحديث خطوط السكك الحديدية والقطارات وتحديث نظام الإشارات.. أليس كل هذا نجاح ؟

٩- النجاح فى مصر.. من كهرباء كانت متعودة على الانقطاع الى كهرباء متعودة على الاستقرار.. وكمان كهرباء من مصادر متجددة مثل الرياح والطاقة الشمسية.. كنا فين وبقينا فين.. اليس هذا نجاح ؟

١٠- النجاح فى مصر.. من العشوائيات الى شقق سكنية متميزة.. وعاصمة ادارية جديدة على أحدث طراز عالمى ومدن جديدة فى كل الاتجاهات.

١١- الاستثمار فى مصر.. كان فين واتنقل للامام وبقى فين.. لولا النجاح فى الأمان والاستقرار كنا عملنا ايه ؟ رأس الحكمة وعلم الروم والمنطقة الاقتصادية بقناة السويس واستثمارات قطاع البترول والغاز الطبيعى ومنجم السكري.. أليس هذا نجاح ؟

١٢- النجاح فى مصر.. عودة مصر الصناعية وافتتاح مصانع جديدة وتوسعات للشركات العالمية من سيناء للدلتا للوادي الجديد للصعيد.. حتى التمور اصبح لها صناعة ناجحة.. أليس هذا نجاح ؟

١٣- وقت ازمة مضيق هرمز.. البضائع كانت بتوصل الخليج ازاى.. إنها مصر الامن والامان.. أليس هذا نجاح ؟

١٤- طب نسيتوا طوابير البنزين ودلوقت اختفت والدنيا ماشية أحسن.. أليس هذا نجاح ؟

١٥- طرق وكبارى وتوسعات طرق وانفاق تحت القناة ونضال كبير فى شق الجبال وتعمير الصحارى والبداية كانت تسهيل الطرق.. وتأكدنا بمرور الوقت من الفائدة والاهمية لكل ذلك.. أليس هذا نجاح ؟ النجاح كتير وموجود ومستمر.. عزيز مصر قال ( م تصدقوش حد غيرى ) وطلب مننا نكون ( ايد واحدة ) وقال ليهم بقوة ( محدش يجرب مصر ).. احنا مصر.. احنا النجاح..