نشرت إحدى مستخدمي مواقع التواصل الاجتماعي صور تخيلية لبراند أحذية مصري، يحمل الطابع الفرعوني، ويعبر عن هوية الدولة المصرية.

دعت «ضحى محمد» إلى ضرورة إبراز ثقافتنا واستغلال هويتنا في صناعة براند مصري يتصدر العالم بشكل جديد يجذب المستهلكين.

فكما استغلت الشركات العالمية الثقافة المصرية، وانعكست في بعض تصميماتها التي حققت مبيعات هائلة على مستوى دول العالم، يمكن لمصر أيضًا أن تستفيد اقتصاديًا من فكرة براند محلي أصيل.

دعوة لبراند مصري ينافس العالمي

تقول ضحى: "متخيلين لو عندنا براند مصري عالمي زي Nike، Adidas أو Puma ممكن يبقى مستواه عامل ازاي؟ مشاهير العالم كله والرياضيين والأغنياء ورجال الأعمال كلهم بيشتروه ويتهافتوا عليه لمجرد إنه "مصري" شركات عالمية كتير حققت نجاح لا يوصف علي حس تاريخنا وحضارتنا وهويتنا المصرية".

وأضافت: "آن الأوان إننا نستغل احتياطي الذهب بتاعنا بالشكل اللي يليق بينا؟ خصوصًا لما نعرف إن حجم شركة Nike لوحدها تساوي اكتر من 189.2 مليار دولار! واللي بيمثل حجم ناتج محلي لدول كاملة".

وأشارت إلى الصور قائلة: "تخيل براند مصري عالمي للكوتشيات بالذكاء الاصطناعي "Afeno - أفِنو بمعنى حذاء جلد باللغة المصرية".