​

انتشر على مواقع السوشيال ميديا «الفيسبوك» صورة لمغني المهرجانات الشعبية الطفل سامر المدني، وهو يجلس فوق سيارة فخمة موديل 2021 ونوعها Range Rover وسعرها ما يقرب من 3 ملايين جنيه، كما أنه اشترى لوحة معدنية لسيارة برقم مميز، وهذه الصورة أثارت جدلا كبيرا بين جمهور التواصل الاجتماعي.

ونشر «سامر» صورة له بالأمس، وكتب عليها تعليقاً «مفيش مبروك ولا أيه على الـ Range Rover وجاهزين يوم الخميس للاحتفال الساعة 6 مهرجان شيطان يلا إحنا جامدين والله».

وانقسم متابعو «سامر» بين القبول والهجوم عليه، ومنهم يوسف عبدالرؤوف الذي قال: «طب مش مكمل المحاضره اللى بقراها» كما علق أحمد فوزي: «الحكمة من الصورة إن ليس أي سيارة يمكن إدخالها للجراج وشكرا»، بينما كتب أحمد منتصر: «وحسرتاه على الشهادة اللي بنموت عشان ناخدها».

وهناك من شعر بالسعادة لـ «سامر» ودعى له بالتوفيق، وذلك كما علق يوسف عصام: «يا شباب الناس كلها دخله تشتم فيه محدش يبص في عيشه غيره ع متحرمش عليه وده واحد بيحلم وبيحق حلمه وربنا يزيده وألف ألف مليون مبروك ع العربية وعقبال x6»، وعلق أيضاً أحمد حسن: «ألف مبروك بالتوفيق والنجاح وربنا معاكم دايما وربنا يعطيك أكتر والرزق الوفير ويبارك في أهلك».

ورد «سامر» على تعليقات التطفل، قائلاً: «الناس اللي بتقول هتحط الشهادة فين طب ما تشتغل وتتعب وهتوصل للبتحلم بيه ولا أنت قاعد ف البيت تبص لده جاب إيه ودا جاب إيه.. أسعى وأشقى وهتجيب أحسن مني ومن غيري.. صباح الورد على كل حبايب قلبي.. صباحكم كله رزق إن شاء الله».

و«سامر» طفل صغير وجد طريقه إلى العمل بمجال الغناء الشعبي، وحقق ملايين المشاهدات على قناته على اليوتيوب وتطبيق التيك توك، ومن أشهر المهرجانات التي قام بغنائها «أشرب حشيش، مهرجان شيطان، مهرجان أنا محترم أنا مش محترم».