بالبلدي : "الأطباء": الطلاب يدخلون الامتحانات بـ"بنطلونات مقطعة".. ومفيش كلية طب دون مستشفى جامعي

حذر الدكتور أحمد الشربيني، عضو مجلس نقابة الأطباء، من وضع التعليم الطبي ومظاهر الانحدار السلوكي داخل الكليات، مؤكدًا أن ما يحدث حاليًا بإنشاء كليات طب دون مستشفيات جامعية تشغيلية هو محاولة للخروج بـ "منتج غير مكتمل" يهدد أرواح المرضى ويسقط كفاءة الطبيب المصري.
"صحة النواب": المستشفيات العامة غير مؤهلة لتدريب الطلاب وسنطالب بوقف القبول بـ 26 كلية طب
النائب نبيل العطار: «اعملوا كليات التربية قمة.. وحاربوا الدروس الخصوصية زي المخدرات»
ملف الأطباء

وقال الشربيني خلال تصريحات تلفزيونية: «مفيش في أي حتة في العالم إننا نعمل كلية طب من غير مستشفى جامعي تشغيلي، المستشفى الجامعي هو اللي بيشكل شخصية الطالب، والتدريب الإكلينيكي جزء لا يتجزأ من التعليم.. اللي بيحصل ده هيطلع أطباء غير كفء للتعامل مع المرضى».
 

وفجر عضو مجلس النقابة مفاجأة صادمة حول السلوكيات الراهنة لبعض طلاب الطب، قائلًا: «بنلاحظ انحدار في الأخلاق بصورة غير مسبوقة! زمان كنا بنروح الامتحان ببدلة وجرافتة، دلوقتي تلاقي الطالب داخل ببنطلون يوزد مقطع، وطالب تاني مش فاهم هو كاتب إيه ولا عارف هو داخل يمتحن مادة إيه أصلًا! دول اللي بعد 10 سنين هيتحملوا مسؤولية المناصب ويعالجونا في المستشفيات!».

وشدد الشربيني على موقف النقابة الصارم: «أنا بقولها بوضوح.. كان فيه قرار جمعية عمومية إننا كنقابة أطباء مش هنعترف بأي كلية طب ومش هنسجل خريجيها إلا لما يكون ليها مستشفى جامعي، وإحنا قادربين بأعضاء الجمعية العمومية نحمي المهنة والمرضى ونقف في وش أي قرار بيحط صحة المواطن على المحك».