الثلاثاء 18/يونيو/2024 - 02:16 م

تحدث المخرج يسري نصر الله، عن سينما المخرج الراحل يوسف شاهين، والمدرسة التي كان يتبعها ويراها الكثيرون غير مألوفة على المشاهدين.

وقال يسري نصر الله خلال حواره مع القاهرة 24: يوسف شاهين هو اللي علمني وكأني أخدت دروس خصوصية لمدة 3 سنين عن إزاي أصنع أفلام، واتعلمت منه إن في حاجة اسمها علاقتك بالمهنة، وفي طريقة معينة عشان تعمل أفلام وأساسيات ليها.

وتابع يسري نصر الله عن يوسف شاهين: عمري ما حسيت إنه بيدخل الفيلم وهو حاسس إنه أكبر منه، كل فيلم كأنه داخل الفيلم الأول له، وهو كان أكتر واحد بتجيله الضربات في التاريخ، والناس بتقوله أفلامك مش مألوفة وصعبة ومكركبة، فهو لم يألف النجاح وكان يتحدى نفسه والسينما.

أفلام يوسف شاهين

قدم المخرج الراحل يوسف شاهين، العديد من الأفلام السينمائية المهمة، أبرزها فيلم إسكندرية ليه، بطولة كل من الفنانة الراحلة نجلاء فتحي، فريد شوقي، يوسف وهبي، يحيى شاهين، محمود المليجي، ليلى فوزي، عزت العلايلي، وآخرين.

يسري نصر الله يدافع عن فيلمه احكي يا شهرزاد

وفي سياق آخر، دافع يسري نصر الله عن فيلمه احكي يا شهرزاد، الذي وصفه الكثيرون بالجريء، حيث قال بحواره مع القاهرة 24: أنا بتوقع إن أي فيلم المفروض يكون جريئا، والمشكلة إن دايما بيكون المقصود بكلمة جريء حاجة جنسية، مع إن ده مش شرط. 

وأردف نصر الله: جرأة مشاهد فيلم احكي يا شهرزاد مش في مشاهد القبلات، بل اللي بيخليه جريء هو إنه بيصدم مفاهيم المجتمع، في علاقة المرأة والرجل.