السبت 15/يونيو/2024 - 05:28 م

تحدث الفنان أحمد فهمي، عن تفاصيل فيلمه الجديد عصابة الماكس، الذي أُقيم مساء أمس العرض الخاص به بحضور نجوم وأبطال العمل، والذي سيخوض سباق موسم عيد الأضحى 2024.

وكشف أحمد فهمي، تفاصيل فيلم عصابة الماكس، خلال لقائه مع القاهرة 24: البرومو كان مبين فكرة الفيلم، وأنا اللي بفكر فيه قبل شخصيتي في الفيلم بشوف فكرة الفيلم كلها، والشخصية لو الفيلم حلو هقدر أطورها وأشتغل عليها لو فيها مشاكل، واشتغلنا على الاسكريبت بالشكل اللي صورنا بيه وجرينا جدًا في التصوير، حتى إحنا صورنا رمضان كله لأن الوقت كان ضيق جدًا بس الحمد لله الفيلم طلع بشكل مرضي.

أما عن تفاصيل تدريبه على اللهجة الإسكندراني، فعلق أحمد فهمي: كان معايا مصحح لغة لأن اللهجة الدارجة في الإسكندرية مش اللي إحنا عارفينها داخل فيها قاهري شوية، لغاية ما الحمد لله طلعنا اللهجة بشكل المفروض تطلع كويسة.

كما تحدث أحمد فهمي، عن ضيوف شرف فيلم عصابة الماكس، قائلًا: أحمد السقا وهشام ماجد وكريم فهمي وحمدي الميرغني ومحمد ثروت وناس كتير، الناس كلها كانت موجودة والفكرة مش أني بروح لهم وهما بيجولي، إحنا إخوات مبنحسبهاش مع بعض كده، ومحدش فيهم الحقيقة إتأخر لما طلبته في الفيلم.

فيلم عصابة الماكس

فيلم عصابة الماكس بطولة أحمد فهمي، لبلبة، روبي، أوس أوس، أحمد فهيم، وعدد كبير من ضيوف الشرف منهم كريم فهمي، أحمد السقا، صلاح عبدالله، هشام ماجد، محمد ثروت، محمد لطفي، وآخرين.