الثلاثاء 28/مايو/2024 - 11:16 م

يقام الآن ملتقى أرشفة الأعمال الفنية وذكريات الفنانين بحضور عدد كبير من الفنانين والإعلامين ومنهم إلهام شاهين، محمود حميدة، بشرى، أحمد شاكر عبد اللطيف، بوسي شلبي وآخرون.

مقتنيات سمير صبري

وعلى هامش الملتقى قالت بوسي شلبي إن مقتنيات سمير صبري حاليًا توجد على الأرصفة، وهذا بعد دخول بعض الأشخاص الغرباء منزله، وهذا أمر لا يليق بالفن المصري.

وردت بشرى قائلة: سمير صبري موجود في وجدان كل شخص منا، وكنا معاه في أيامه الأخيرة، ولو مقتنيات سمير صبري ضاعت إحنا كلنا سمير صبري.

وعلى هامش الملتقى تحدث محمود حميدة عن أرشفة الأعمال الفنية وذكريات الفنانين، وقال: عاصرت المشروع لما كان فكرة، ومحصلش دافع مني ولكن كان الوعي بتاعي مش متضمن في النظام الرقمي كنت غايب عن الثورة اللي حصلت وخارج الوعي بتاعي، وازاي أنا أكون ضمن النظام الرقمي وبعد ثورة المعلومات اللي حصلت لو مدخلتش في الرقمنة هبقى خارج العالم ومحدش هيفكر فيا.

وأضاف حميدة: الثورة التكنولوجية نمت على 3 مراحل وآخرهم دلوقتي مع الألفية الجديدة ونفسي الوعي يدخل لكل الناس الكريمة على أرض مصر، ولو حد فضل يتكلم واحنا خارج الوعي مش هيتنفذ الكلام.

كما تحدثت إلهام شاهين عن دورها في إنهاء حكم الإخوان في مصر قائلة: رئيس الدولة مستنيني بنفسه، وقالي المفتي حكالي عنك وإنك عملتي إيه بموقفك تجاه الإخوان، وأنتي ليكي اليد الكبرى اللي خلت ناس كتير تتكلم وكلامي عن مرسي عملي مشاكل لحد دلوقتي إني وقفت ضد الإخوان.