استغاثت مطلقة من عزبة شاهين التابعة لمحافظة المنيا، لتوفير مصدر دخل لها، حيث تعول 3 فتيات، ولديها ابنة عروسة، لكنها فسخت خطوبتها بسبب عدم قدرتها على تجهيزها.

استغاثة مطلقة بالمنيا

وقالت أم مي إنها مطلقة منذ 8 سنوات، وزوجت ابنتها الكبرى قبل أعوام، ومنذ زواجها وهي تسدد ديون عليها، مضيفة: بنتي التانية عندها 20 سنة واتخطبت لكن فركشت خطوبتها لإني مش قادرة على مصاريف جهازها.

واستغاثت أم مي بأنها تعيش في شقة بالإيجار هي وبناتها، وليس لديها أي مصدر دخل ثابت، مضيفة: بعاني بقالي 4 سنين من الديون، وعليا أقساط وقروض من زواج بنتي الكبيرة لسه بسدد فيها.. أنا تعبت ونفسي حد يساعدني.

وأشارت أم مي إلى أن طليقها لا يساعدها بأي شيء، وأنها طالبت بحق أولادها ورفعت العديد من القضايا لكن دون جدوى، مضيفة: أخدت ورث أهلي لما كنت متجوزاه وقالي هاتيه أجيبلك شقة باسمك وادتهوله ضيعه وبعدين لقيته اتجوز بها، وبعدها وافقت أكمل معاه علشان بناتي لكنه طلقني وقالي مش عايزك.