الإثنين 27/مايو/2024 - 03:49 ص

يسير متجولا بشوارع الأقصر منذ 43 عاما حاملا على ظهرة 15 كيلو وهي عدة الشغل، وهو الرجل الستينى الذي أصبح يعانى من خشونة الركب، يعافر مع الزمن بصوت جهوري ينادي أحند المقص والسكاكين، وهو أقدم سكاكيني متجول بشوارع الأقصر.

أقدم سكاكيني بالأقصر من 43 عاما

وقال الحاج أحمد أقدم سكاكيني متجول بشوارع الأقصر للقاهرة 24: أبلغ من العمر الآن 68 عاما، وأعاني من خشونة الركب ولكنى كالصياد يجب أن أسعى من أجل لقمة العيش، وربنا هو الرزاق ففي السعي بركة.

شايل على ضهرة 15 كيلو

و أضاف الحاج أحمد: أخرج من بيتي كل يوم قادما من غرب مدينة الأقصر حيث أعيش إلي شرقها منذ الساعة 7 صباحا وحتى الساعة 7 مساء حاملا على ظهري 15 كيلو وهي عدة الشغل والتى هي عبارة عن ماكينة كهربائية لشحذ السكاكين بالإضافة إلي أسلاكها الطويلة.

الناس زمان كانت تقف عليا طوابير

و أوضح الحاج أحمد: الناس زمان كانت بتقف عليا طوابير وكنت بالحجز وخاصة في المواسم والمناسبات مثل تلك الأيام مع إقتراب عيد الأضحى المبارك، أما الآن الحمد لله في شغل ولكن ليس كما مضى، الإقبال قل والحاجة غليت على الناس اللي عاوزة تدبح وتضحي مش زي الأول.

و أشار الحاج أحمد: زمان كنت بحند السكينة بربع جنية، لكن دلوقتي الوضع إختلف والأسعار زادت، كنت بجيب حجر السن للماكينة ب30 جنيه دلوقتي الحجر الواحد وصل سعرة 400 جنيه، والماكينة فيها حجرين واحد للسن والآخر للتنعيم.

وقال الحاج أحمد: نصيحتى للشباب إنزل وعافر وإشتغل وربنا هو الرزاق، وأعتب على أولياء الأمور اللي بطلوا يتابعوا أولادهم ويسألوهم رايحين فين ومع مين ومين أصحابهم، فالرقابة مهمة للأولاد وحماية لهم حتى نخرج أجيال تتحمل المسؤولية وتقدرها، ومفيش أهم من أولادنا ولا أغلى علينا منهم علشان ننشغل عنهم