السبت 25/مايو/2024 - 12:53 ص

تحدث الفنان أحمد العوضي، عن كواليس مسلسله حق عرب، الذي عرض في السباق الرمضاني الماضي 2024، بجانب حديثه عن حياته الشخصية، وذلك خلال مداخلته مع الإعلامي عمرو الليثي، في برنامج واحد من الناس.

أبرز تصريحات أحمد العوضي في برنامج واحد من الناس

 - أنا نشأتي شعبية ومن وأنا صغير كنت مهوس بالجدعنة وولاد البلد، وكنت بحلم لما أبقى بطل أقدم صورة البطل الشعبي الجدع، وأنه مبيضربش بس وممكن ينصر الحق ويتمسك بالعادات والتقاليد اللي افتقدناها دلوقتي شوية.

 - كنت عايز مسلسل قيم وميتنسيش بعد عرضه، وعجبني مسلسل حق عرب أول ما قرأته، وأنا اللي أطلقت عرب السوريكي على الشخصية لأن الأسامي بتكون مميزة عند الناس.

 - اللزمات بتاعتي في حق عرب تشكر منحرمش ووحد الواحد، وباقي اللزمات اللي كتبها المؤلف.

 - الكاست هو 100% من نجاح العمل، أنا بنجح بكل إخواتي الزملاء مش لوحدي.

 -  فضل ربنا ودعوات إخواتي هو سر نجاح مسلسل حق عرب.

 - كل حياتي وذكرياتي في عين شمس، أنا سيبتها من 4 سنين، وسايبها كمكان سكن ولكن مش بقلبي، وعين شمس اللي عملت أحمد العوضي.

 - أنا بهدي نجاح حق عرب لكل حد قالي كلمة حلوة في حياتي.

 - كنت أتمنى أن والدتي تبقى عايشة وتشوف نجاحي، ولكن أبويا ربنا يخليه ليا كفاية أن أنا بفرحه وبشرفه دايمًا.

 - أنا مش بميل لموضوع الأجزاء، أنا بحب أعمل كل مسلسل بقصة مختلفة عن التانية علشان مبقاش مرتبط بشخصية واحدة، أه هعمل التيمة الشعبي ولكن بخلاف القصص والشخصيات والصراعات، علشان يكون عندي تنوع أني أعمل قصص أكتر ومحبش أني أكون مرتبط بـ عرب السويركي أو أي شخصية تانية عملتها.

 - مبخافش من الموت، الموت علينا حق.

 - العصبية خسرتني كتير.

 - بزعل من نفسي لو ظلمت حد، ومحدش بيضحك عليا.

 - أكبر غلط في حق نفسي هي العصبية.

 - مبندمش على قرارات.

 - أنا بحب كل الأدوار اللي عملتها، وبحب شخصية هشام عشماوي في الاختيار لأنه دور مهم في مشواري، وتكريم الرئيس كان مهم بالنسبة لي.