أصدرت جهات التحقيق بالجيزة، قرارًا بضبط وإحضار مطرب المهرجانات عصام صاصا، حيث جاء ذلك عقب ثبوت إيجابية تعاطيه المخدرات في التحليل الذي أجراه بمصلحة الطب الشرعي، إثر اتهامه بالتسبب في وفاة شخص بحادث تصادم أعلى الطريق الدائري.

حادث عصام صاصا أعلى الطريق الدائري

وقال شقيق المجني عليه: الحمد لله إن شاء الله حق أخويا هيرجع وقلبي اتطمن لما طلعت نتيجة تحليل المخدرات إيجابية وحسيت إن الروح ردت فيا من تاني.

وأضاف أنه شعر بالقهر عندما علم أن مطرب المهرجانات عصام صاصا سافر لإحياء حفلات غنائية في دولة الإمارات.

وتابع شقيق المجني عليه: عصام صاصا نشر على صفحته وقال إن حالته متدمرة بعد الحادث وذنب أخويا في رقبته.. ولما شوفت كلامه ده قولت إنه حس بالخطأ اللي ارتكبه.. بس لما عرفت إنه سافر عشان يغني قولت ده واحد معندوش إحساس واتقهرت على أخويا.. يعني رايح يغني ولا كأنه داس على قطة مش بني آدم.

وأوضح أنه لا يستطيع أن ينسى أبدًا الحالة التي رأى عليها شقيقه في ثلاجة الموتى بعد وفاته إثر هذا الحادث المؤلم، معلقًا: إحنا مش عارفين ننام من بعد موت أخويا.. ولحد دلوقتي مش قادر أنسى لما شوفته في التلاجة الموقف كان صعب والمشهد لسه في بالي.. وكل ما بفتكر منظره بنهار.