الخميس 25/أبريل/2024 - 10:23 م

كشف المطرب الشعبي رضا البحراوي، تفاصيل أزمته في مسلسل محارب، بطولة الفنان حسن الرداد، والذي عرض في السباق الرمضاني 2024، بجانب الكشف عن سبب رفضه عمل أغاني على طريقة الدويتو.

وقال رضا البحراوي، في لقائه مع الإعلامية ياسمين عز، في برنامج كلام الناس، المذاع عبر شاشة قناة MBC مصر: ساعة مسلسل محارب حصل وش كتير أني أتشال من المسلسل وربنا مبيتحاربش، نحب بعضنا بس مفيش حاجة دايمة لحد وأهم حاجة حب الناس، أنا ماليش أعداء إلا ابن كاري، لكن في الشارع الناس بتحبني وأنا بحبهم وأنا مش شاغل بالي بـ ابن كاري.

وتابع: أنا كنت بادئ أغاني حزينة ودراما، ودخلت في سكة الشعبي أوي، وعايز أرجع تاني أعمل دراما وده اللي هيدوم معايا لأني شايف الناس حباني في دول، والنجاح دلوقتي مبقاش زي الأول بقى سهل، ممكن إفيه على التيك توك يتعمل أغنية، والمهنة دلوقتي النجاح فيها بقى سهل أوي.

وعن سبب رفضه أغاني الدويتو، فعلق رضا البحراوي: أنا بحب أنجح لوحدي مش معايا حد، مستغلش فرصة أحد يعمل معايا ديتو، أنا برفض الدويتو وبقوله أنجح لوحدك وشيل حفلة لوحدك.

وأضاف: عدوك ابن كارك، وابن كاري لو شاف رضا في نجاح ممكن يدخل على منتج أو مخرج ويعرض 50 أغنية قدام أغنية بتاعتي، ولكن ربنا مبيتحاربش.