belbalady.net قال الفنان محمد دياب، "أنا مكنش فى دماغى أن أغنى وأمثل ولا كانوا فى خطتى ولا تخطيطى، كان نفسى أكمل دراستى عادى واشتغل شغلانة تخلينى أكتسب قوت يومى وأكل وأشرب وألبس زى أى حد، لكن القدر أراد إن أول شغلانة اشتغلها هى الغناء".

وأضاف محمد دياب، خلال حواره ببرنامج "ع المسرح"، مع الإعلامية منى عبد الوهاب، على قناة الحياة، إنه أول ما غنا كان عمره 16 سنة فى الشارع فى إمبابة وكان أجرى 45 جنيها، وكنت سعيد بشكل كبير وكلت بيهم كلهم أنا وأصحابى، واللى أسعدنى أكتر إنى نجحت فى الفرح ده وأخدت عرابين 3 أفراح تانيين".

وتابع، 45 جنيها كان رقم كبير كنت أوحش فيه علشان أجيب جزمة وبنطلون، ودقت طعم النجاح من أول يوم، مؤكدا أنا من اليوم ده ساعات بتكسف أطلب حاجة من ربنا علشان أدانى أكتر من اللى كنت بحلم بيه، وانا شايف إن مفتاح الحياة الصبر".