belbalady.net قال المطرب حسام حبيب، إنه كإنسان من المؤكد عنده صراعات مع نفسه حينما يولد داخله شعور الخوف من الفقدان، متابعا: "هذه النوعية من الحب ده اعتبره حب مرضي ويمكن من كتر الحب يولد الخوف من الفقد، وربنا قال في كتابه امساك بمعروف او تسريح بإحسان وفي امكانية الانفصال والخوف حاجة وحشة".

وشدد حسام حبيب، خلال حواره ببرنامج "ع المسرح"، مع الاعلامية منى عبد الوهاب، على قناة الحياة، على أنه لم يخبي شيء ولم يقصد اخفاء شيء عن علاقته بشيرين، مضيفا: "عمري ما قصدت أخبي أي حاجة في حياتي وارتباطي بشرين حتى الان هو ارتباط أساسه صداقة قوية واحنا اصحاب لحد دلوقتي وشيرين عندها ميزة وهي مش بتتكلم ولا تنم على حد".

وتابع: "شيرين جدعة جدا ودمها خفيفة وقعدتها متزهقش وهي بيبي وطفلة في غضبها وحبها ومش بتحسب كل حاجة ولما قلنا مفيش ارتباط بينا ده كان حقيقي، وهي كانت بتمر بمشاكل فظيعة وقتها وأنا كمان وبدأنا نقرب واحس أن في حاجة بدأت تتغير داخلنا".