belbalady.net كشفت الكاتبة الصحفية حنان مفيد فوزي لبرنامج (كلم ربنا.. مع أحمد الخطيب) على الراديو 9090 كواليس قصة إنسانية عاشتها قبل 10 سنوات، وكان لها تأثير كبير فى حياتها.

 

وقالت الكاتبة الصحفية إنها تعرضت لأزمة إنسانية صعبة بعد إنجابها ابنها الوحيد (شريف) حيث انتظرت 15 عاما بدون إنجاب ولجأت فى النهاية للحقن المجهري.

 

وأضافت "حنان" أنها استبشرت كثيرا بنجاح عملية الحقن المجهري وحملت في ولدين (تؤام)، وكان أحدهما قد اتخذ وضع السجود داخل الرحم، وقررت وقتها أن تسميه "ساجد" لشعورها أنه يسجد من أجلها ويدعو الله لها.

 

وتابعت حنان مفيد فوزي، قائلة إن أحد الطفلين سقط (توفى) فى الشهر الثامن، وفى الشهر التاسع تدهورت حالتها الصحية وحالة الجنين الثانى وقرر الأطباء وقتها إجهاض الجنين لخطورته على حياتها.

 

وقالت فوزى "الأطباء خيّروني بين حياتي وحياة الجنين وقالولى حياتك أو حياته وقلتلهم هختار حياته أنا مش مهم.. لكنهم رفضوا" وأضافت "ساعتها كلمت ربنا وقولت له أنا اخترت حياة الولد ومش هقدر أختار حياتى أنا.. فيارب تقدرنى على الاختيار الصعب دا.

 

وأضافت: الحمد لله ربنا معرضنيش لموقف أكبر من قوة احتمالى.. لأن الأطباء وقتها هما إللى قرروا إن الجنين ينزل لأن حالته هو الصحية أسوأ من حالتى.

 

وأكملت حنان مفيد فوزى حديثها، قائلة: أنا بكلم ربنا فى كل لحظة.. لكن فيه مواقف معينة بتحتاج فيها إجابة واستجابة من ربنا.. ولو الإنسان صالح من جواه وروحه شفافة أكيد ربنا هيوصل له الرسايل بطريقة معينة.. والشفافية اللى عند هذا الإنسان هتساعده يقرأ الرسايل دى ويلتقطها ويعمل بها ويعرف ربنا عاوز يقول له إيه.. وأنا طول الوقت بستني رسايل ربنا عشان أسمعها".