إعـــلان مقدمة من الشيف أميرةهناك خطوات ونصائح هامة لنجاح الكعك أهمها مايلى:١_استخدمي دقيق مخصص للكعك والبسكوت ومن الانواع الممتازه ال جربتها سنبله الفرات ودوبيلا وطبعاً يتنخل كويس جداً ٢_ نوعية السمن الصناعى أو السمن البلدى المستخدمه ليها عامل كبير في طعم وريحة الكعك. ٣_لاتكثري من كمية ريحة الكعك لتفادي ان الطعم يمرر لكل كيلو دقيق معلقة صغيره ممسوحه من رائحة الكعك. وانا من الناس ال مبحبهاش ومش بضيف ريحه كحك خالص ٤_ يفضل وضع الخميره مع السكر في كوب من الماء أو الحليب الدافي حتي تتفاعل وتنتشر بشكل افضل في العجينه. ٥- اضافة معلقة نص صغيره من البيكنج بودر بتحسن من قوام الكعك وتجعله هش اكتر. ٦_ قومي بدعك الدقيق مع الماده الدهنيه ( تبسيه) كويس جداً لتحصلي علي كعك ناعم . ٧ _ كل كيلو دقيق مش هايحتاج اكتر من كوب الا ربع لكوب سائل سواء مايه او حليب عشان الكحك ماينشفش . ٨- لو لاقيتي عجينة الكحك ناشفه سخني معلقتين سمنه ومعلقتين مايه وضيفيهم للعجينه هاتبقي طرية ومظبوطه???? ٩- لو الكعك بيشقق منك بعد التسويه يبقي العجينه محتاجه معلقتين كبار دقيق لكل كيلو . ١٠ -شكلي الكعك بعد ماتريحيه ١٠ دقايق بس وبعد نص ساعه اخبزي علي طول . ١١- درجة حراره الفرن ١٨٠ عالرف الاوسط ده للكعك المحشي بيقعد حوالي ربع ساعه اما الكعك الساده بيبقي علي درجة حراره ١٦٠ بيقعد حوالي ٢٥ دقيقه عشان يستوي من جوه. ١٢ – اوعي الكعك يغمق طلعيه لونه اشقر عشان يفضل ناعم .