belbalady.net أدخل برنامج "حياة كريمة" الذى يقدمه أيمن مصطفى على قناة dmc، الفرحة على عاملة نظافة بمستشفى ومريضة قلب.

وقالت عاملة النظافة: كان عندى جلطة وأجريت قسطرة وماشية على علاج، وباخد مرتب 2700 جنيه مش بيكفونى، ومحتاج أجهز بناتى والحمد لله ماشية، وبوفر تمن شريط البرشام عشان بناتى، موضحة، باخد علاج بـ 1700 جنيه فى الشهر للقلب والالتهاب الرئوى، وباخد كل يومين حباية بدلا من كل يوم".

وأكدت :"مش بخاف من بكرة وراضية طالما ربنا موجود، ومش ببص على إيد غيره، والرضى نعمة من الله عشان نقبل بحالنا، ونفسى ربنا يشفينى وأجهز بناتى، وخلال الحلقة أهداها مقدم البرنامج مبلغ مالى هدية لبناتها".

وخلال انتظار عاملة النظافة بالمستشفى، اقتربت منها سيدة إحدى العاملين بالبرنامج وتنكرت فى زى عاملة نظافة وطلبت منها مساعدة، فأهدتها الأولى المبلغ المالى الذى أخذته من معد البرنامج، وقالت لها :"قولى يارب اللى خلقنا مش بينسانا وهدورلك على شغل".

وأهدى مقدم البرنامج ميدالية "أبطال حياة كريمة"، ومبلغ 100 ألف جنيه، فبكت السيدة من الفرحة وقالت:"بشكر حياة كريمة فيكم الخير"، كما أهداها مبلغ 50 ألف جنيه لشراء العلاج لمدة عامين.