belbalady.net قال الفنان حسن الرداد، أن دوره فى مسلسل "محارب" الذى يعرض فى السباق الرمضانى 2024 هو شخصية عزيز محارب وأن العمل لم ينته تصويره رغم إنجاز نحو 90% من العمل".

وتابع خلال مداخلة عبر برنامج "كلمة أخيرة" الذى تقدمه الإعلامية لميس الحديدى على شاشة ON: "لسه بنصور وهنكمل تصوير فى رمضان خلصنا 90% من العمل وهناخد أسبوع من رمضان علشان نكمل الباقي".

أكمل : "عزيز محارب هو شخصية المواطن البسيط اللى عاوزين نرجعها مش كل الشخصيات تبقى شبحنة مش كله لازم يكسر ويضرب وبدراعه".

مردفا : "أنا تربيت على مسلسلات من صغرى تقدم المواطن البسيط سواء مدرس أو دكتور أو اى حرفة أو عامل فى مصنع ويكون شخص عادى بنقابله فى الشارع فى القاهرة أو دمياط فى بلدى ودى النماذج اللى بحب أتكلم عنها وأشوف رحلة كفاحها وأتأثر بيها وأتكلم عنها".

واصل: "فى الفترة الأخيرة بقيت بسوف فكرة تقديم المواطن البسيط وكأنه عم الشبحنة فى العالم وبقت الطبيعى والسائد أنى أجيب فئة أو شخصيات من دماغ البنى أدمين وأحطه مكان شريحة أخرى من المجتمع وهذا غير حقيقي". لافتا إلى أن هذا أهم ما حمسة للدور فى شخصية عزيز محارب لأنه شخص محترم وبسيط وبنراه فى الشارع قائلا: "شخص محترم متفوق فى الثانوية العامة ورغم أن مجموعه كان يلحقه بكلية طب لكن التزامه بالعمل من صغره كونه من منطقة شعبية".

أكمل: "الأعمال الجادة اللى عملتها أكتر من الكوميدى. ونجحت فى الكوميدى والجاد. فى كليهما وأنا الوحيد إلى فى السينما إلى غيرت المفهوم لان العادى بقى إلى بيعمل كوميدى يفضل يعمله والاكشن يفضل زى ماهو لكن انا نوعت لانهم بيخافوا من التغيير لكن انا عملت الكوميدى وعملت توأم روحى رومانسى والفيلم المصرى الوحيد اللى جاب إيرادات كبيرة فى الوطن العربى كان "تحت تهديد السلاح".

وأكمل: بحب التنوع وأعمل مخاطرة حتى لو قلقت من عدم النجاح لكن المهم أكون ممثلا متنوعا، وكل واحد هيشوف شخصيته فى مسلسل محارب لأن كلها شخصيات حقيقية.