تستكمل محكمة جنايات شبين الكوم، المنعقدة في مجمع محاكم وادي النطرون، اليوم الاثنين 8 يناير 2024، جلسات محاكمة الزوجة المتهمة بإنهاء حياة زوجها بالتعاون مع عشيقها، حيث وضعت له السم في العصير وعاونها المتهم الآخر في كتم أنفاس المجني عليه بالمخدة حتى لفظ أنفاسه الأخيرة.

محاكمة زوجة وعشيقها لاتهامهما بقتل الزوج بالمنوفية

وقال إسلام أحمد شقيق المجني عليه، إن الحياة الزوجية بين شقيقه وزوجته كانت مستقرة وسعيدة حتى ظهر العشيق في حياة زوجته وانقلب كل شيء رأسًا على عقب.

وأردف قائلا: مرات أخويا باعت جوزها وعيالها عشان خاطر عشيقها اللي مشيت معاه.. وفي الآخر لما حبوا يخلصوا من أخويا حاولوا يموتوه لكن ربنا أنقذه.. وتاني مرة حطت له السم في العصير وبعد ما شربه كلمت عشيقها عشان يجي ويموته وفعلًا خلصوا عليه في أوضة نومه.

وأضاف شقيق المجني عليه، أنه بعد وفاة شقيقه بعدة أيام بدأت تظهر بعض الشكوك حول زوجته بتورطها في وفاته، قائلًا: مكنش فارق معاها جوزها اللي مات ولا حتى عيالها لحد ما موبيلها وقع في إيدي ولقيت عشيقها بيكلمها.. وشوفت صور ليهم في أوضة النوم وتسجيلات وهما بيتفقوا على موت أخويا.

وأشار إلى أنهم حرروا محضرا رسميا بعدما اكتشف تورط زوجة شقيقه وعشيقها في وفاة المجني عليه، وبناءً على ذلك استخرجوا جثمان شقيقه بعد 47 يومًا من وفاته حتى يخضع للفحص على يد الطب الشرعي، مختتمًا: أنا بطالب بحق أخويا ومافيش حاجة هتبرد نار قلبي عليه غير القصاص.