الإثنين 08/يناير/2024 - 02:05 ص

تحدث المخرج خالد يوسف، عن تفاصيل مشهد الاغتصاب في فيلم الإسكندراني، بطولة الفنان أحمد العوضي، مؤكدًا أنه حاول تخفيف المشهد لشدة قساوته.

وقال خالد يوسف، خلال لقائه في برنامج كلمة أخيرة، الذي تقدمه الإعلامية لميس الحديدي، والمذاع عبر شاشة قناة ON، أنه لم يقلق من الرقابة المؤسسية، موضحًا: الرقابة المؤسسية مش هصطدم بيها لأني أكيد هعمل الحدود اللي تعديها ودي آخر همي، لكن رقابة الناس في دماغي وأنا كنت تحت ضغط جامد جدًا.

وتابع خالد يوسف: مشهد الاغتصاب قاسي جدًا والبنت عاملة زي العصفورة وكانت رمز الطيبة والتسامح في الفيلم، وحاولت أخففه لأن كانت هتبقى قاسية جدًا.

خالد يوسف: مفيش ممثل اشتغل معايا في تاريخي عنده دأب زي أحمد العوضي

كما أعرب خالد يوسف، عن سعادته الكبيرة بالتعاون مع الفنان أحمد العوضي في فيلم الإسكندراني، قائلًا: مفيش ممثل اشتغل معايا في تاريخي عنده دأب زي أحمد العوضي، هو شخص بيشتغل 48 ساعة في 24 ساعة، وبيعمل تدريبات شاقة وعنده لياقه ورغبة وشغف، وأنا عندي إيمان بموهبته وطاقته الكامنة مخرجتش كلها في الدراما، وأنا استفزيته علشان أطلع قدراته.

أبطال فيلم الإسكندراني

وشارك في بطولة فيلم الإسكندراني، كل من: الفنان أحمد العوضي، زينة، صلاح عبد الله، محمد رضوان، عصام السقا، حسين فهمي، بيومي فؤاد، وغيرهم، والعمل بقيادة المخرج خالد يوسف، ومن تأليف الكاتب الراحل أسامة أنور عكاشة.