السبت 26/أغسطس/2023 - 06:04 ص

حصل القاهرة 24 على أقوال ابن البلوجر هبة السيد والذي يدعى زياد ح. ع، البالغ من العمر 11 عاما، بالتحقيقات في القضية التي حملت رقم 7944 لسنة 2023 مركز الخصوص، والمتهمة فيها البلوجر هبة سيد صاحبة قناة أم زياد وهبة، وابنها وزوجها.

التحقيقات في قضية البلوجر هبة السيد 

وقال نجل البلوجر هبة السيد: انا كنت قاعد مع ماما وبابا وأخواتي محمد وحبيبة وهبة وأمي خلفت بنت تاني اسمها أيلن وكنا عايشين عادي في بيت بابا في الخصوص ومن 3 سنين أمي بدأت تعمل فيديوهات على الإنترنت وكنت أنا وأخواتي بنطلع مع ماما ومكناش بنتكلم كتير وحبيبة ومحمد كانوا هما كمان اللي بيعملوا المونتاج للفيديوهات ودي كانت قناة ماما الأساسية اللي هي فتحتها والحياة كانت ماشية عادي ومكنش فيه أي مشاكل.

وأضاف نجل البلوجر هبة السيد: ظهرت المشاكل في يوم من حوالى ثلاث سنوات لما ماما كانت داخله الأوضة ولقيت محمد وحبيبة في وضع عيب ولما لقيت كدا ندهت لبابا وقالت له اللي شافته وبابا خلى محمد يضرب نفسه بالشبشب على رأسه وقاله متعملش كدا تاني وأنا شوفت ماما وبابا بيتكلموا في الموضوع بس بصوت واطي والموضوع خلص وفضلنا نصور فيديوهات عادي اللي على اليوتيوب وكنا بنصور بكاميرات الموبايل بتاعة ماما ومحمد بس بعد كدا جبنا كاميرا كبيرة علشان نصور بيها الفيديوهات بتاعتنا وبابا كمان كان بيطلع معانا في الفيديوهات.