نشر محمود رزق أحد رواد موقع التواصل الاجتماعي فيس بوك، هذا الخبر عبر جروب، تحالف محبي مصر وحكى عن قصة القبض على ضابط شرطة التجارة في العملة..
ضابط بمدينه من المدن الجديدة …
راح يغير ٥٠٠ الف دولار من شركه صرافه على اساس انه ضابط ومعروف بقى …راحو بتوع الصرافه قالولو ماشى ياسعادة الباشا اتفضل لما المبلغ يجهز وراحو رافعين السماعه على مباحث الأموال العامه . بعد ١٠ دقايق الباشا لقى اللى بيبصله من الشباك ويقوله ياباشا بطاقه حضرتك علشان نصرف والمبلغ جاهز يقوم يطلع البطاقه وهو طبعا بيشرب القهوة سعادته يلاقي اللى لف ليه من الناحيه التانيه ويقوله خلصت القهوة بتاعه سيادتك ايوة طب اتفضل بقى عازمينك عليها فى مكتب الأموال العامه هات كارنيهك ياباشا اتفضل هات طبنجتك اتفضل حط يابنى الحديد فى ايدة وراح راكب البوكس ..ايه دة شرطه بتقبض على شرطه ..ايوة يافندم دة فى مصر بس دلوقتى علشان مصر اتغيرت ولسه فيه ناس اغبيه ومتعرفش دة يلا خليها تنضف اهو الباشا كان على درجه رءيس مباحث القسم التابع ليه مكتب الصرافه مبرووك عليك الحديد وطبعا لازم يعرفو جبت الدولارات دى منين خيط بيسلم خيط وكله هيجى عليه الدور …
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" البشاير "
0 تعليق