belbalady.net تعرض قناة ON الجزء الثانى من حلقة رامى صبرى وهاجر أحمد فى برنامج "سهرانين" تقديم النجم والإعلامى أمير كرارة، مساء اليوم الجمعة فى تمام الساعة العاشرة مساء.

وتحدث رامى صبرى خلال الجزء الأول من "سهرانين"، على بدايته مع الفن منذ طفولته، قائلاً: "بدأت أحس موضوع الفن وأنا عندى 4 سنين كنت بقعد أهز راسى مع تيمبو الأغنية وهى شغالة، ولما بقى عندى 10 سنين بقيت أغنى عادى".

وقالت هاجر أحمد: "كنت بحب التمثيل من صغرى، من قبل المدرسة كان والدى بيروح يصلى في المسجد وكان بياخدنى عشان أصلى، فكانوا في المسجد بيعملوا أنشطة مين يعمل دور الملاك ومين الشيطان فكنت علطول معاهم، وكنت بعمل دور الشيطان أكتر عشان بيكون فى أكشن، ومن صغرى كنت مرتبطة أوى بفيلم صغيرة على الحب وبشوف نفسى فيه".

وقال رامى صبرى: "أنا عمرى ما حضرت حصة تاريخ ولا جغرافيا فى المدرسة، وكنت على طول قاعد مع أستاذ الموسيقى في غرفة المزيكا، ولما كبرت دخلت معهد الموسيقى العربية ودخلت قسم تاليف، وبقيت فاهم كويس في الموسيقى، وهو أصعب قسم في المزيكا في العالم كله، وقعدت في 6 شهور وسيبته".

وتحدث هاجر أحمد عن رد فعل أهلها بخصوص تجربة التمثيل، قائلة: "التمثيل كان مرفوض لأنهم كانوا قلقانين عليا بسبب أوقات التصوير وأنا أصغر واحدة في إخواتى، فمهما كبرت أنا بالنسبة لهم صغيرة، وأختى الكبيرة كانت بتيجى معايا التصوير توصلنى وتستنانى".