belbalady.net فيلم "صاحبتي" واحد من الأفلام المصرية القصيرة المشاركة في الدورة الـ44 من مهرجان القاهرة السينمائي الدولي.

يقوم ببطولة الفيلم إلهام صفي الدين ومارك حجار، وتدور أحداث الفيلم في ليلة واحدة، عندما يذهب "علي" لزيارة صديقته "سارة" في بيتها متنكرا في هيئة فتاة، من أجل محاولة قضاء ليلة معها أثناء وجود أهلها في البيت ولكن دون علمهم.

التقى FilFan.com بمارك حجار الذي حدثنا عن كواليس الفيلم ومشاركته في مهرجان فينيسيا والقاهرة السينمائي، كما تحدث عن مسلسل "المتهمة" الذي قدم فيه شخصية "رشيد" من ذوي الهمم.

في البداية تذكر مارك حجار مشاركة فيلم "صاحبتي" كأول فيلم مصري في مهرجان فينيسا وقال: وإحنا بنصور كنت بهزر وأقول لهم هنروح فينيسيا ومتخيلتش ولو 1 % أننا هنشارك في المهرجان كان إحساس ميتوصفش، مريت بتجربة جميلة، وشعور رائع أني كمان أشارك في مهرجان القاهرة السينمائي وأمشي وسط ناس بتفرج عليهم من وأنا صغير في التليفزيون وأحقق حلمي بأني أكون معاهم.

نرشح لك: مخرج "ماما": قصة الفيلم حقيقية قرأتها قبل 4 سنوات ومدين لـ"كورونا" بتنفيذها

وعن مشاركته في الفيلم وتقديمه لشخصية شاب يتنكر في هيئة فتاة قال: أعرف المخرجة كوثر يونس من زمان في فترة اشتغلت فيها معاها مساعد مخرج علشان أتعلم، في مرة اتفرجت على فيلم ليها هي مخرجته ومن وقتها وأنا شايفها مجتهدة وبتحب الفن ولما كلمتني عن الفيلم وطلبت صور ليا كان في حاجات في شكلي احتاجنا نغيرها وتحمست جدا للفكرة، ومقلقتش من شخصية "علي" بالعكس استفزتني أني أعمل حاجة عمري ما هعملها في حياتي الطبيعية ولما تجيلي الفرصة لازم أمسك فيها أنا بحب الأدوار اللي بتستفزني فنيا والدور في صاحبتي كده وكنت حريص على تقديمه بشكل جيد وردود الفعل من الناس اللي شافت الفيلم كانت كلها إيجابية والنتيجة أننا بنافس في المهرجان، والكواليس كانت جميلة كنا عيلة وكلنا داخلين من غير فلوس في حب الفن.

وخلال الدورة الـ44 من مهرجان القاهرة السينمائي تشارك 3 أفلام قصيرة إلى جانب "صاحبتي" وعن المنافسة قال: سعيد بوجود أفلام مصرية أتمنى نكسب بالتأكيد لكن مهم أن الجايزة تروح للأفلام المصرية سعيد أن مستوى الأفلام ارتفع ودا يخلينا نتوقع مستقبل جيد لصناعة الأفلام في مصر خاصة مع وجود المنافسة العربية الكبيرة.

وقبل بدء المهرجان عرض على منصة "شاهد vip" مسلسل "المتهمة" بطولة درة وقدم مارك حجار شخصية "رشيد" من ذوي الهمم وعن تحضيره للشخصية قال: كل ردود الفعل اللي جاتلي وأن الناس بتسألني أني طبيعي أم من ذوي الاحتياجات الخاصة دا أسعدني كثيرا، لما قعدت مع أستاذ تامر مخرج العمل قولت له هتفرج على أفلام بتناقش قضية ذوي الهمم لكنه طلب مني أني مقلدش من دور لأنه واحد بيقلد واحد، علشان كده روحت لمدرسة فكرية لمدة أكثر من شهر 5 أيام في الأسبوع أحضر البرنامج كامل من 9 صباحا لـ2 عصرا وعرفت أنهم بيدرسوا مواد "عربي وحساب ولغة إنجليزية" ولو كان التصوير في مصر كنت هأخذ وقت أكثر في التدريب إحنا صورنا في لبنان كتير وكنت خايف أنسى اللي عرفته، لكن لما سافرت كنت بقعد في أوضتي في الفندق بتعامل زي "رشيد" طريقة الأكل والمشية حاولت التعلم من الفنان أحمد زكي وطريقته في التقمص.

وعن كواليس مسلسل "المتهمة" قال مارك إنهم كانوا يجلسون في مكان واحد وتعرف عن قرب على كل المشاركين فيه وكان بينه وبين الفنان رشدي الشامي موقفا خاصا حكاه لنا: الفنان رشدي الشامي في بروفة الترابيزة كان معاه ورق وبيكتب حاجات، وطلبت منه أني أشوف اللي كتبه وتبادلنا الأفكار وعرفت حاجات طبقتها وأنا بصور في مسلسل "دنيا تانية" وساعدتني.

وتستمر فعاليات مهرجان القاهرة السينمائي الدولي في دورته الـ44 حتى يوم 22 نوفمبر الجاري.

تتضمن لجنة تحكيم مسابقة الأفلام القصيرة، كل من المخرج مايكل أنجلو فرامارتينو، من إيطاليا، وهو رئيس لجنة تحكيم المسابقة، والمنتج والسينارست أحمد عامر، من مصر، والممثلة ريم تركي، فرنسا / تونس.

تفاصيل حفل افتتاح كأس العالم... 7 فقرات لفنانين عالميين وعرب في 30 دقيقة

موعد والقنوات الناقلة للمباراة الافتتاحية بين قطر والإكوادور في بطولة كأس العالم

بعد أغنية كأس العالم .. محمد عبد الرحمن يهاجم ميريام فارس: مش طايق أشوفها

ماتيو كازافيتش يهاجم نتفليكس وفين ديزل.. تعرف على أبرز تصريحاته في مهرجان القاهرة السينمائي

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5