القاهرة - Gololy
عبرت الفنانة اللبنانية نادين ناسيب نجيم عن استيائها الشديد من الانتقادات التي توجه لها بسبب شكل فكها.
الفنانة اللبنانية نشرت صورة لها إلى جوار صور لعارضات أزياء أجنبيات لديهن نفس شكل الفك، وعلقت عليها، على حسابها على “انستجرام”، بقولها: “بعتقد بكفي حكيتوا كتير عن موضوع شكل وجي وأخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي و بتعلقوا على حنكي بالوقت يلي بتنفحطوا وبتجنوا بجمال الأجانب وهيدي الصورة حطيتا ليش حلال على الأجانب و عليي انا لاء !”.
وأضافت: “تتشوفوا عقدة البعض مني انا تحديداً وكأني الأولي والأخيرة هيدي انا هيدا شكلي وكتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا وانا ما عم رد ولا رح غير شكلي كرمال حدا هيك انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم !”.
وتابعت: “وشو المقصود من كل هل حكي غير حالي؟ مستحيل !!! تأثروا على نجاحي على ثقتي بنفسي؟ مستحيل !!! تغيروا رأي العالم يلي بحبوني وبشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز؟ اي ممكن بس نصيحة ما شايفين أني ماشية بطريقي والمحبين والمعجبات كتار لوين بدكم توصلوا؟ ما شايفين غيري بكل الوطن العربي؟ بعرف هيدي ضريبة النجاح بس اذا انا بنت بلدكم وهيك عم تعملوا فيي شو خليتوا لغير عالم “.
واختتمت كلامها، بقولها: “هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت و يبلعها و ما يحكي الحق ! انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي و تركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني #صرعتونا”.
بالبلدي | BeLBaLaDy
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" منوعات بلدنا "
0 تعليق