: رسالة نارية تكشف عنها رحمة حسن بعد عضة الكلب

بلدنا اليوم 0 تعليق ارسل طباعة تبليغ حذف

belbalady.net تاريخ النشر الخميس 09 يونية 2022 | 16:41

كتبت الفنانة رحمة حسن، لمتابعيها آخر التطورات لحالتها الصحية بعد تعرضها لعضة كلب، من خلال صفحتها الرسمية على موقع التواصل الاجتماعي "إنستجرام".

قالت رحمة حسن :"أنا حقيقي تعبانة ومتأزمة جدا.. وكوابيس ومش عارفة حتى أقرب من القطة بتاعتي وألعب معاها لاني خايفة عليها لحد ما إخلاص العلاج ".

وأوضحت: "النهاردة اخدت الجرعة التانية ولسه هكمل طبعا ده غير وجع الجرح حقيقي .. اللي عوزة أقوله إن فعلا لو بعد شهر ما حصلش حاجة تخص الكلب وعلاجه وتغير سلوكه وعدم نزوله بدون كمامة".

وأفادت: "أنا هروح أخد موقف قانوني لاني فعلا تعبانة جسديًا ونفسيًا جدًا.. وخايفة جدًا يحصل ده لحد تاني وأكون أنا السبب أني ماخدتش موقف".رحمة حسن

يذكر أن رحمة حسن، كشفت عن تعرضها للعض من قبل أحد الكلاب بالقرب من منزلها، وصدمتها من الحدث وتخوفها من القطط والكلاب بعد هذا الموقف.

وعلقت رحمة حسن، عبر إنستجرام: "مساء الخير..امبارح الساعة 11 بليل كنت نازلة أجيب حاجة من السوبر ماركت جمبالبيت ،وكنت ماشية علي الرصيف وكان في عربية بتركن جمبي عادي، فجأة الباب اتفتح ولقيت كلب "جيرمن شيبرد" تقريبا مَش متاكده اوي ، بيهجم عليه بكل قوته ،طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطة بنابه في منطقة حساسة.

صاحبه الكلب كتر خيرها أخذتني فورا علي مستشفى إمبابة ادوني حقنه تطعيم الكلب ولسه فاضلي ٤ هاخدهم خلال شهر، بس المشكلة أن من امبارح الجرح بينزف دم كتير ،وانا طبعا خايفة ومصدومة".

وأشارت:" وتعبانه وعندي تروما من امبارح ، والي واجعني أكتر إني مَش عارفة أتصرف ازاي .. خصوصا أني أكيد مَش عايزة الكلب يتأذى، بس كمان مَش عايزة أي إنسان كمان يتأذى ويتعض ويتبهدل في الشارع زيي.. أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا أنا اتصدمت لما عرفت أنها مَش أول مرة الكلب يعض حد ومع ذلك هي سايباه عادي في الشارع من غير كمامه أو حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح ،وصاحبه مسؤول مسؤولية كاملة عنه ويحاسب علي إهمال مسؤوليته ، خصوصا لو إهماله تسبب لشخص تاني في أذى بدني يحتاج أكتر من 21 يوم علاجواذي نفسي ماعرفش هايحتاج قد إيه عشان يخف".رحمة حسن

واستكملت: "أنا كنت بحب انزل أحط أكل ومايه للكلاب والقطط تحت البيت، دلوقتي أنا حقيقي مرعوبة أقرب منهم وخايفه جدًا.. أنا أسفة طولت عليكم بس أنا بجد مَش عارفة المفرود أعمل إيه عشان محدش تاني".

إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"

المصدر :" بلدنا اليوم "

إخترنا لك

أخبار ذات صلة

0 تعليق

تابعنا
  • adblock تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ??

قصة عشق موقع فاربون دليل اضف موقعك Become a Patron!