• adblock تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ??

أخبار عاجلة

ألوان الوطن | لأول مرة في مصر.. شركة لتوصيل الحيوانات: كلاب وقطط وقرود وزواحف بالبلدي | BeLBaLaDy

«عاوز تسافر وأليفك مش هينفع تسيبه لوحده.. عاوز تودي حيوانك الأليف للدكتور وشايل هم العربية.. طيب نفسك تخرج مع أليفك ومش عارف».. فكرة مشروع قائمة على رعاية الحيوانات الألفية في فترة غياب صاحبها، وتوفير سيارة لنقله إلى أي مكان، نفذها بهاء الدين مجدي وزوجته هبة الله عادل، أطلقا عليها Aleefcom Paxi .

91e31b50d7.jpg

فكرة المشروع

«الفكرة ببساطة هي توصيل الحيوانات الأليفة، وتمشيتهم لتحسين حالتهم النفسية والتسوق لهم وشراء كافة احتياجاتهم»، قالتها هبة الله خريجة إعلام قسم إذاعة وتليفزيون، لـ«الوطن»، وشرحت فكرة المشروع: «أحنا أصلا كنا عايشين برة في دولة عربية لفترة، وكان عندنا كلاب بنربيها بس كان عندنا مشكلة إننا معندناش عربية نتحرك بها فمكناش عارفين نخرج بالكلاب ولا نوديها لدكتور أو أماكن للاستحمام، وطبعا كان التنقل بالمواصلات هناك صعب جدا، فكان آخرنا ننزل نمشيهم تحت البيت أو على البحر لأنه كان قريب مننا، أو كان زوجي بيضطر أنه يرتب مع عربية كبيرة بتاخد فلوس كتير عشان نوديهم بس ميعاد عند الدكتور».

اقرأ أيضاً: سرير لحماية الكلاب والقطط من نزلات البرد

842dbc19ff.jpg

صعوبات كثيرة واجهت المشروع في بدايته، يحكي عنها «بهاء» خريج كلية السياحة والفنادق: «بعد ما رجعنا مصر مكنش ينفع ناخد كلابنا معانا فعرضناهم للتبني، نزلنا مصر وحاولت أفتح مشروع ليا بس منجحش بسبب وباء كورونا، فكرنا نعمل ايه ولقينا معانا العربية بتاعتنا وجاتلنا فكرة مشروعنا وهي توصيل الحيوانات الأليفة».

5297ba70a2.jpg

لم يقتصر مشروعهما على توصيل الكلاب والقطط فقط بحسب «بهاء»: «بنوصل كمان حيوانات تانية نادرا لما تلاقيها في عربية ملاكي، وصلنا زواحف وتماسيح وقرد وشبل ونسناس، حبينا نساعد الناس اللي بيعانوا من نفس معاناتنا اللي مرينا بها برة مصر».

559f9580c5.jpg

فكرتهما أشبه بفكرة شركتي «أوبر وكريم» إلا أنهم متخصصين في نقل الحيوانات: «بنحلم اننا نتوسع ونعمل أبليكيشن لمشروعنا، ويبقى عندنا سيارات بسائقين متواجدين في كل مكان لنقل الحيوانات ومساعدة العملاء أكثر، إحنا عندنا دلوقتي عربية واحدة وده طبعا مجهد لنا لأننا بنروح لحد العميل وده بياخد مننا وقت ومجهود».

d3027c82c0.jpg

«بهاء»: ليس التوصيل فقط بل إنقاذ الأليف

يشجع بهاء وهبة، فكرة تبني الحيوانات وليس بيعها وهذا ما قاما به مع كلابهما في الخارج، وأيضا يدعما فكرة الإنقاذ وتكمل «هبة»: «بنقدم خدمة الإنقاذ لحيوانات الشارع وبيبقى فيه حد متكفل ماديا بعملية إنقاذها ونقلها ورعايتها ومصاريف أكلها وبحكم خبرتنا بقينا عارفين عيادات الحيوانات الأليفة وأماكن الشلاتر، بنبقى متفقين مع العيادة أو الشلتر قبل ما نروح وكمان بنساعد الناس لما يسألونا على أماكن عيادات لأليفهم».

يوضح «بهاء» أن خدمة الإنقاذ من أولوياتهم: «لو فيه شلتر أو حد كلمنا محتاجنا في حالة محتاجنا في حالة إنقاذ بنديهم الأولوية، فلو عندنا مثلا أوردر توصيل تاني، بنطلب من العميل نأجل الميعاد لأن حالة الإنقاذ أولى بالرعاية خاصة انهم بيبقوا في الشارع أو مرميين على الأرض، فلازم نلحقهم لأن الحالة ممكن تموت وعشان كده بنعتبر ان الإنقاذ أهم خدمة بنقدمها».

17613582071613203317.jpg

لا تقتصر خدمات التوصيل بمشروعهما داخل محافظة القاهرة فقط بل متاح خدمة التوصيل من القاهرة إلى محافظات أخرى ومن المحافظات الأخرى إلى القاهرة، وبحسب «هبة»: «إحنا مش catchers، معندناش الأدوات اللي نمسك بها الأليف فبنتعامل بايدينا أكتر وتعاملنا مع الكلاب أكتر لأن قطط الشارع البلدي بتبقى عنيفة وبتحتاج شبكة، فعشان كدة بتحتاج ناس متخصصين أكتر في التعامل مع قطط الشارع».

8917171221613203301.jpg

تعديل سلوك الحيوانات الأليفة

يقدم «بهاء وهبة» خدمات متعددة أخرى منها البحث عن القطط والكلاب في حالة ضياعهم من أصحابها ومساعدتهم في إيجادها وخدمات أخرى: «عندنا خدمة الـ dog walk ولازم نعرف عدد الكلاب وسلوكها وصحتها وكمان بنساعد الناس في شراء مستلزمات الأليف سواء بنعرفهم على محلات متخصصة في بيع هذه المستلزمات أو نشتريها إحنا ونوصلها لحد العميل، وطبعا احنا عارفين محلات كتير فبنعرض على العميل كذا محل بأسعارهم المختلفة وهو بيختار».

ولا يقتصر توصيل الأليف من بيت إلى آخر أو من بيت إلي عيادة: «بقينا عارفين مراكز كتير وأماكن تدريب بناخد الأليف هناك ونقعد معاهم لحد ما يخلصوا الـsession بتاعتهم ونرجعهم تاني للعميل».

13186969161613203303.jpg

يهتم بهاء وهبة، بتطوير أنفسهما بأخذ كورسات للتعامل مع الكلاب الشرسة إلي جانب مشاهدتهم فيديوهات تعليمية: «بدأنا نعرف أكثر عن الزواحف والطيور، احنا بنحب الحيوانات عموما وبنحب شغلنا معاهم».

ويصور بهاء، رحلاتهم مع الحيوانات ويعرضها على صفحتهم Aleefcom Paxi على الفيس بوك، لبناء ثقة مع العملاء: «بنحب نكسب ثقة العملاء بتصوير فيديو الرحلة مع الأليف، احنا بنوصل الأليف معانا في العربية بدون ما نحطه في قفص عشان ياخد حريته وبنبقى حريصين على اننا ندلعه، ومن خلال الفيديوهات ديه بنبني ثقة مع العميل ومع متابعين صفحتنا ومع الأليف نفسه عشان لما ييجي لنا تاني يكون مبسوط لما يشوفنا وديه أكتر حاجة بتبسطنا».

11945741151613203311.jpg

يوفر بهاء أيضا مدربين في حالة احتاج الأليف إلى تعديل سلوك خاصة أثناء خدمة التمشية: «بنقدم ده مجانا أول مرة، بناخد تكلفة التمشية فقط وفي المرات اللي بعدها بنحاول تطبيق نفس تكنيك المدرب مع الأليف ويضاف ده إلى التكلفة».

بالبلدي | BeLBaLaDy

إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"

المصدر :" الوطن "

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق تحضير مشروب «الموغات» بالمنزل .. تعرف على أسهل الطرق
التالى إسلام جمال: الكرة لمست يد بواليا بالهدف الثاني.. والجيش قادر على احتلال مركز جيد