طريقة عمل كريم كراميل بالبلدي | BeLBaLaDy

قدمت الدكتورة سوسن غزال خبيرة التغذية عبر صفحتها الشخصية على موقع التواصل الاجتماعي الفيس بوك؛ طريقة عمل كريم كراميل.

المقادير:

8 عدد بيضة

1 ½ كوب سكر

1 ½ معلقة صغيرة فانيليا

1 ½ معلقة صغيرة نشا

1 كيلو لبن كامل الدسم

طريقة التحضير: 

فى حلة نضع نص كوب سكر على النار ونتركه لحد ما يتحول لكراميل ذهبى اللون.

فى صينية هنوزع الكراميل ويترك ليبرد.

فى الخلاط نضع البيض والفانيليا وكوب السكر ونضرب كويس.

فى حلة على النار هنضيف اللبن وندوب فيه النشا ويترك على النار لحد ما يدفى شوية.

نضع خليط البيض والسكر على اللبن ونقلب كويس اوى.

نضع الخليط السابق فى الصينيه اللى فيها الكراميل.

نضع الصينيه فى حمام مائى ساخن ونضعها فى الفرن لمده ساعه الا ربع تقريبا او الى ان يتماسك الكريم كراميل وياخذ لون.

نطلع الكريم كراميل من الفرن ليبرد ونقلبه بعد ما يبرد تماما ونضعه فى التلاجه .. وبالهنا والشفا .