فى أول تعليق له على هجوم السوشيال ميديا على جلسة التصوير الشهيرة بـ"سيشن اللبن"، قال المصور إسلام رمزى لـ"اليوم السابع": "أنا ندمان إنى وافقت أصور السيشن ده، وشوفوا شغلى مفهوش حاجة تضايق حد، ده كان طلب الموديل وأنا نفذت".
وتابع "الموديل هى اللى طلبت الفكرة بالكامل، وكانت عاوزة تنفذها، أنا مصور وشغلى أنفذ كلام العميل لأنى باخد أجر على ده" وأردف: "غلطت إنى نشرته، أنا شيرته على جروبى ومكنتش عارف أنه هياخد كل الضجة دى، لإن فى غيرى وقبلى مصور نفس الفكرة".
جلسة التصوير
وكانت موجة جديدة من الغضب تفجرت على السوشيال ميديا بسبب جلسة تصوير استفزازية اشتهرت باسم "سيشن اللبن" تظهر فيها موديل شبه عارية يسكب عليها الحليب، وهاجم المستخدمون القائمون على الجلسة وطالبوا بمحاسبة القائمين عليها على غرار سيشن الأهرامات.
وقال إسلام: "كمصورين بنصور أى حاجة مدام برغبة وطلب العميل أو العميلة، لكن فعلا ما عدوك إلا ابن كارك، السيشن اتنشر من أغلب المصورين اللى شاركوه"، وتابع: "أنا مابسعاش للتريند، ولا يهمنى أكون تريند، أنا اللي عملته إني نشرت شغلي ومش صح إني أعمل كدة في السيشن ده".
سيشن اللبن
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" اليوم السابع "
0 تعليق