: الرئيس السيسي: الدول الأشقاء وقفت مع مصر وقفة كبيرة.. ولازم نقول ده للناس ولا الحقيقة بتزعل

البلد TV 0 تعليق ارسل طباعة تبليغ حذف

تحدث الرئيس عبدالفتاح السيسي، عن الدعم المقدم من الدول العربية خلال الفترات الماضية ودعمها مصر، قائلا: «الفترة دي لازم ننتبه ليها بقول كده علشان المصريين وكمان ننتبه كويس للتفاصيل واللى بيتقال».

وأضاف الرئيس السيسي، خلال كلمته في افتتاح القرية الأولمبية لهيئة قناة السويس، وتدشين وحدات بحرية جديدة، « اتعمل دعم لمصر من الأشقاء في الخليج للمشتقات البترولية وكمان أموال سايلة لو مكانش الدعم ده اتقدم من الدول الأشقاء مكانش هيبقى في دولة ومش هتكمل إنما لما بقول كده بذكر فضل الناس هو حد يزعل من ده لو كانت الدول دى سابتنا مكناش هنلاقي وقود في المحطات مش كان في طوابير في المحطات والطوابير دي كانت موجودة علشان الدولة غير قادرة ».

وتابع الرئيس السيسي: «هو أنا غلطان لما قولنا على الناس اللي ساعدتنا والناس ماكنتش منتبه لده لكن دول زي السعودية والإمارات والكويت حطوا أرقام والسفن بتاعت المشتقات البترول والغاز والبوتاجاز كان بتتحول من البحر المتوسط والبحر الأحمر إلى الموانئ كل شهر واللي ميعرفش ده لازم يعرف ولازم نقول الكلام ده».

وتساءل الرئيس السيسي: « لو مكانش ده اتعمل والأشقاء دعموا الدولة الناس كانت هتستحمل أنا هنا بكلم المصريين هستحتملوا ولا مش هتستحملوا مش انتوا اللى اتحركتوا بس أنا بقول أن الدول دى وقفت وقفة كبيرة مع مصر أكثر من 18 شهرا بتدينا مشتقات البترول وبتيجي بدون مقابل لو كان في مقابل هل كنا هنقدر نسدد؟».

وتابع الرئيس السيسي: «الكلام ده بقوله علشان بعض المسئولين وخلي بالك وانت بتتكلم عن الدولة انت هتبقى شايل وزر كبير وانت عاوز تخربها أو تعمرها هتاخد أجر كبير والأجر مش منى أنا ولا التاريخ الأجر من ربنا سبحانه وتعالى إذا كنا مؤمنين بالله الأجر من عند ربنا أتمنى يكون لينا أجر عند ربنا وأتمنى يقبل اللي إحنا بنعمله».

وأشار الرئيس السيسي: «خد بالك وانت بتتكلم في عشرات المليارات الدولارات مش الجنيهات انتوا عارفين يعنى ايه أكثر من 1300 مليون دولار مش بندفع للأشقاء و البترول والغاز والبرامج علشان غير المبادرات اتعملت علشان نخفف عن الناس في مصر وحد يقولى الحقيقة هو انتوا مش بتحبوا تسمعوا الحقيقة لازم تفضلوا شغالين مش تسمعوا كلام حد دول عايزين يخربوها والله العظيم ولما يخربوها يولعوا فيها وبعد كده يقولك نبني انت إيه ياراجل انت بتبني دولة».

وأردف الرئيس السيسي: «إحنا لو بنتكلم من 2011 زدنا 25 مليون دول عايزين يشعيوا في منهم اللي عاوز يتجوز ويبقى عنده بيت ده في دول عايشة بالرقم ده سنين وبقول الرقم ده علشان نعرف إن ربنا لطيف بعباده».

الرئيس السيسي: أوعوا تسمعوا كلام حد عايز يحبطكم وأي حاجة بتتعمل بدراسات

الرئيس السيسي: الدولة حريصة على توفير مخزونات استراتيجية من السلع لاتقل عن 6 أشهر

 

إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"

المصدر :" البلد TV "

إخترنا لك

أخبار ذات صلة

0 تعليق

تابعنا
  • adblock تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ??

قصة عشق موقع فاربون دليل اضف موقعك Become a Patron!