• adblock تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ??

أخبار عاجلة

ألوان الوطن | تدشين حملة «أدعم مروان محسن» بعد إضاعته لركلة ترجيحية: الرحمة حلوة بالبلدي | BeLBaLaDy

شهدت وسائل التواصل الاجتماعي، حملة دعم للاعب النادي الأهلي مروان محسن وذلك بعدما أضاع ركلة ترجيحية في مباراة تحديد المركز الثالث بكأس العالم للأندية الذي أقيم في قطر.

آلاف التغريدات والمنشورات التي تساند مروان محسن وتطالب بعدم مهاجمته، حيث انتشر هاشتاج «أدعم مروان محسن» وشارك فيه عدد من المشاهير.

«الوطن» ترصد لكم أبرز المشاركات في المنشور كما يلي:

إيمان سيد قالت «بعيدآ عن الانتماء إيه كمية الانتقادات دي؟ مروان محسن لاعب كويس جدا، ممكن تكون حاجة مأثرة عليه أو بسبب كلامكوا اللي بتقولوه ف حقه اديله فرصة ونبطل كلامنا اللي يحبط ده، رغم الفوز كله جري يحتفل إلا هو مروان محسن والله محتاج دعم نفسي، وحقيقي من أكتر اللعيبة إللي بحبهم في نادي الأهلي، حقيقي كل الدعم ل مروان محسن».

fbada6f6f7.jpg

بيتر هاني، كتب «بامانه مروان محسن لاول مره يصعب عليا بسبب الهجوم الشديد عليه بعد كل مباراه .. واللي خلاه يضيع ضربه الجزاء حالته النفسيه اللي بقيت زي الزفت بسبب الكلام اللي بيتقال عليه واللي هايفضل يتقال عليه .. لحد م تحصله حاجه ونرجع ونقول احنا اسفين».

وأضاف «السوليه النهارده ضيع ضربه جزاء ليه السوشيال ميديا كلها متكلمتش ع الضربه اللي ضاعت منه .. ومسكوا ف ضربه الجزاء اللي ضاعت من مروان محسن كفايه تنمر ع خلق الله دا احنا كلنا فينا العبر وربنا هو اللي ساترنا .. شجعوه بدل م تحطموه وساعتها هتلاقوا منه شئ مشرف».

6764730294.jpg

المخرج محمد دياب كتب عبر حسابه الشخصي على «فيسبوك»: «أي شخص بتحفل عليه عنده مشاعر وكل كلمة فيها سخرية أو شتيمة بتكسره وبتأذيه هو وأمه وأبوه وأخواته ومراته وعيلته. يا ريت نفتكر قبل ما نساهم في تدمير ناس نفسيا أنهم بشر مش جماد»، مضيفًا «من حقك طبعا يبقي فيه شخص مش عاجبك بس فيه فرق بين التعبير عن ده وبين التحفيل والتسفيه».

c799d0cf5f.jpg

وجيه أحمد كتب «‏رغم الفوز كله جري يحتفل إلا هو.. مروان محتاج دعم نفسي.. كمية السخرية على مروان مؤذية جدا خلوه يمشي أو يطّلع إعارة وبلاش تدمير للاعب أكتر مرة صعب عليا فيها».

173f0dd464.jpg

الشاعر الغنائي أمير طعيمة أعرب عن دعمه لمروان محسن قائلًا «بعيدا عن الفنيات مروان محسن ده اكتر لاعب في الكوكب بيلعب تحت ضغط، ضغط من جمهور فريقه قبل الخصوم».

وأضاف «أنا ليا ملاحظات عليه كلاعب وفي مباريات المنتخب اللي هي أهم حاجة عندي كنت دائما بشوف أن فيه من هو أفضل في مركزه».

وتابع «أنا مش ضد انتقاده فنيا بس بجد اللي بيحصل معاه ده كتير، ده حتى لما بيسجل وبيكون كويس الناس بتهاجمه، لو حطيت نفسك مكانه هتصعب عليك نفسك»، معتبرا أن كلامه انسانيًا وليس كرويًا «ده بوست إنساني مش كروي»، مختتمًا «الرحمة حلوة».

39ce187db7.jpg

كما أعلن الفنان كريم فهمي، وشقيقه الفنان أحمد فهمي، دعمهما لمروان محسن، حيث كتب كريم فهمي على «انستجرام»: «طول مانت لاعيب في منظومة الأهلي هفضل أساندك وضد أي استظراف أو تنمر، بس عليك أنك تفوق، جمهور الأهلي في ضهر أي حد بيلبس فانلة الفريق إلى أن يخلعها».

eec6153daf.jpg

واقنتص النادي الأهلي برونزية كأس العالم للأندية من نادي بالميرس البرازيلي بطل أمريكا الجنوبية بركلات الترجيح بعد مباراة انتهت بالتعادل السلبي بدون أهداف، وحقق المارد الأحمر المركز الثالث في البطولة للمرة الثانية في تاريخه.

 

بالبلدي | BeLBaLaDy

إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"

المصدر :" الوطن "

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق اتحاد الكرة يكشف ملعب مباراة الزمالك والأهلي في قمة الدوري
التالى تعرف على تشكيل ريال مدريد أمام أتالانتا في دوري أبطال أوروبا