الثلاثاء 14/مايو/2024 - 02:07 ص

علقت الفنانة عبير صبري، على واقعة تعدي سائق أوبر على فتاة جنسيا ومحاولة خطفها في منطقة مدينة نصر بالقاهرة، مناشدة بضرورة تشديد الرقابة على شركة أوبر والعاملين بها.

عبير صبري تهاجم شركة أوبر

وأطلقت الفنانة عبير صبري من خلال صفحتها على موقع فيس بوك، مبادرة لإلغاء التطبيق الخاص بشركة أوبر بعد تكرار حوادث الاعتداء على الفتيات، قائلة: أنا كتبت البوست ده وعاوزه نعمل حمله عشان مقاطعه أوبر أرجو انك تساعديني في نشر البوست بتاعي وطلبي إن البنات في مصر تعمل حملة لإلغاء الأبليكيشن ده لأنه أصبح خطرا علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيرها.

وأضافت الفنانة عبير صبري من خلال صفحتها الرسمية على موقع فيس بوك، ضرورة إحكام الرقابة على السيارات والعاملين في الشركة من خلال تركيب كاميرات مراقبة لمتابعة الرحلات، قائلة: هي أوبر دول مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابه عليهم ؟ مفيش رقابة عليهم  ليه؟؟

وتابعت قائلة: ليه مفيش كاميرات في العربيات دي زي دبي في أي تاكسي  ولا البنات هتفضل  كل يوم يخطفوهم  ويموتوهم ويتحرشوا بيهم وويعتدوا عليهم ويغتصبوهم ؟؟؟؟.. ازاي مفيش حل مع المجرمين دول لازم السواقين دول يكونوا تحت مسؤوليه وزاره الداخلية أقل شيء بعد الجرايم المتكرره دي ارجو ان تتضامن النساء في مصر للمطالبه بغلق هذا الابليكيشن.