belbalady.net استوقف برنامج "حياة كريمة"، المذاع على قناة دي إم سي، ويقدمه أيمن مصطفى، سيدة عجوز تعمل في الشارع، وسألها عن طبيعة حياتها ودخلها، وردت قائلة: "أنا عندي خمس عيال وجوزي ميت من 20 سنة وربنا بيعطينا وهفضل اشتغل لحد ما ربنا يتولانا ونفسي ربنا يقوينا ويبعد عننا المرض".

وأضافت: "مستورين وبنعرف نشتغل وبقالي 20 سنة بتاجر في الدقيق وبعدين بعمل محشي أبيعه للناس وجوزي توفى وملوش معاش ولا أي حاجة"، وقدم لها دعم 500 جنيه ثم قامت بإخراج المبلغ كله لبائعة أخرى تسير على كرسي متحرك لدعمها في دفع إيجار شقتها.

وعاد أيمن مصطفى، للسيدة العجوز ليهديها ميدالية حياة كريمة إضافة إلى مبلغ مالي لإيجار محل ودفع إيجار سنتين وشراء بضاعة لها بدلا من التجول في الشوارع، وعبرت عن سعادتها وبكت قائلة: "ربنا يديكم من وسع والحمد لله يا رب وعمره ما كسفني وربنا عنده خير كتير أوي".