belbalady.net عاد الإعلامى محمود سعد بعد فترة غياب، على شاشة التليفزيون من خلال برنامج "sold out" على قناة Cbc، وقال في بداية أولى حلقاته: "هو برنامج جديد، واسمه كامل العدد أضفنا فكرة من الأفكار اللى بحبها ولما عملتها لقت استحسان كبير من الجمهور".

وأضاف محمود سعد: "قلتلهم أنا عاوز انزل الشارع واقعد مع الناس، وعملنا البرنامج كده، ولما عملنا كامل العدد وبقى مطلوب قلنا نضيف إضافة واننا نحكى فيه، والحكايات مش بتخلص".

وتابع محمود سعد: "احنا بنمر بأيام عصيبة، وفئة الحزن والاحساس مسيطرة ولكن الحياة بتستمر ولازم نتكلم ونحكى ليكوا، وبنتعلم من الماضى والحاضر، والمأساة اللى بنعيشها دلوقتى وشهداء أطفال ورجال ونساء وشيوخ، لها أصول وفى حاجات قديمة".

واستكمل محمود سعد: "وانت قاعد قدام التليفزيون وحاسس بالضعف لما بتتفرج على وليه احنا لا نملك شئ، واسئلة كتير بتطرح، فأنا هاحكيلك على حاجات كتير فاتت هنتعلم منها، وحاجات كتير قدامك بس انت مش بتشوفها، ودى كانت الفكرة الرئيسية لنزول الشارع، مش عشان اسجل قصص فيها مأساة وخلاص ولكن عشان اقدم قصة فيها تعب انت مش واخد بالك منها".

واختتم حديثه: "في برنامج كامل العدد، هنقدم حكايات ممكن تساعدنا كتير يوم الخميس، والجمعة أسبوع هنغنى، والاسبوع التانى لقاء مع النجم اللى بتحبوه، وبنعمل حوار انسانى اكتر ما يكون حوار فني، واحنا بنحاول في الحوار اننا نقربكوا اكتر من الناس اللى بتأثر في حياتنا".