أكد الفنان القدير محمد محمود، إن نقابة المهن التمثيلية، شاركت بدورها لدعم القضية الفلسطينية، من خلال الوقفة الاحتياجية التي أقيمت يوم الثلاثاء الماضي.
وأضاف الفنان محمد محمود، في مداخلة هاتفية مع الإعلامية نهال طايل، ببرنامج تفاصيل على قناة صدى البلد 2: أن القوة الناعمة لازم يكون لها دورا كقوة ناعمة في اللى بيحصل دلوقتى على الساحة.
متابعا: إحنا بدورنا روحنا النقابة عشان نشارك أهالى غزة حتى لو بكلمة نقولهم «إحنا معاكم بكل قوتنا».
وأوضح الفنان محمد محمود، 'روحنا يوم الجمعة معبر رفع عشان نبقى مع أهل غزة ونقولهم إحنا معاكم وجنبكم ماتخافوش، كنا قاصدين نقولهم إنتوا مش لوحدكم'.
وأشاد محمد محمود بكلمة الرئيس عبد الفتاح السيسي خلال مؤتمر قمة السلام، قائلا: الرئيس قالها وأسعدنا كلنا 'سيناء خط أحمر'، وإحنا بنقولها وراه، وبنقول للعالم كله الأرض دى اتروت بالدم وممكن نرويها تاني بدمائنا، وعبر عن حزنه لما يشاهده يوميا لقصف جيش الاحتلال الإسرائيلي لأطفال الأبرياء بغزة وموتهم، وتشريد الأسرة، وانفعل قائلا: لازم إسرائيل تعرف إن الفلسطينيين مش هيخلصوا مهما عملوا.
وأوضح، أن دور القوة الناعمة أنه لازم يوصل للشباب من خلالنا 'القضية الفلسطينية'، بمعنى إننا نعمل مسلسلات درامية تحكى القضية الفلسطينية، عشان الشباب اللي مايعرفش تاريخ القضية اللي من 56 سنة قائمة والشباب لازم لا يعرف حصلهم أيه.
واختتم حديثه: 'الفن دور لازم يوصل القضية الفلسنطينية، ويعرف الشباب أنه الفلسطنيين بيجيوا حقهم المنهوب من زمن فات.
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" الأسبوع "
0 تعليق