الجمعة 20/أكتوبر/2023 - 09:21 م

ظهرت الكاتبة سماح أبو بكر عزت خلال برنامج كابيتانو مصر، حيث التقت اللاعبين المشاركين في معسكر كابيتانو مصر، وألقت عليهم محاضرة تحفيزية وملهمة عن التأقلم.

الكاتبة سماح أبو بكر

وقالت الكاتبة سماح أبو بكر: التجربة ديه هتأهلكوا لما تسافرو أو تحترفوا أنكم تتأقلموا بسرعة، وأشارت إلى تجربة رونالدو موضحة: لما انضم لبرشلونة جاله اكتئاب كانت أول مرة يخرج برا الجزيرة بتاعته، مع أنه بيحب الكرة جدًا كانت مشكلته أنه لوحده، وأنتوا دلوقتي خدتوا الخبرة دي.

وأضافت سماح أبو بكر: كلكم فريق واحد وقلب واحد، وأهم حاجة أننا نشتغل بروح الفريق، يعني كلنا إيدينا في إيد بعض عندنا هدف واحد نتعاون عليه، وكل واحد ليه حلم وهدف عايز يحققه، وكل واحد فيكم بيتعلم من التاني.

وأكملت الكاتبة: كل واحد في المواقف اللي بتقابلنا ردة فعله بتبقى مختلفة عن التاني، بس من المهم أن المواقف ديه تقوينا، وبتكون عندكم شخصية وبتتعلم، وفي النهاية إنتوا كلكم وطن واحد وطن كابيتانو، وكلكم شباب حلوين اللي عندنا في بلدنا الجميلة.

وعن التجربة التي يعيشها اللاعبين قالت: تجربة جميلة جدًا أنا كان نفسي أعيشها وقولتلهم ده، كل واحد من محافظة مختلفة، وكل واحد سايب بيته، ديه حاجة مش سهلة، بس دي حاجة على المدى البعيد هيكون ليها تأثير هايل في شخصيتهم.

واختتمت حديثها قائلة: شوفت فرحة وثقة في عيون الولاد، وكل واحد عنده هدف يارب يقدر يحققه.